Shichida Yangon ရဲ့ ၄ ကြိမ်မြောက် Awarding Ceremony ပွဲကြီးကိုတော့ ၂၀၁၉ ခုနှစ်၊ ဒီဇင်ဘာလ ၁၅ ရက်နေ့၊ Rose Garden Hotel မှာ စည်ကားသိုက်မြိုက်စွာကျင်းပပြုလုပ်ခဲ့ပါတယ်။အချိန်ပေးပြီးပွဲကို တက်ရောက်ပေးခဲ့ကြတဲ့ Shichida မှ ဘေဘီလေးများနဲ့၊ ဖေဖေ၊ မေမေများ၊ ပြင်ပမှ လာရောက်စုံစမ်းကြတဲ့ ဧည့်သည်တော်များ အားလုံးကို အထူးပဲ ကျေးဇူးတင်ဂုဏ်ယူမိပါတယ်။ ဒါ့အပြင် မအားလပ်တဲ့ကြားက မိမိတို့ရဲ့ သားသားမီးမီးလေးတွေနဲ့အတူပွဲတက်ရောက်ပြီးပါဝင်ကူညီအားဖြည့်ပေးခဲ့ ကြတဲ့ Shichida မှာတက်ရောက်နေတဲ့ ဘေဘီလေးများရဲ့ ဖေဖေ၊ မေမေ နိုင်ငံကျော်သရုပ်ဆောင် အနုပညာရှင်များကိုလည်း အထူးပဲ ကျေးဇူးတင်ရှိကြောင်းပြောကြားရင်း 2019 Awarding Ceremony မှ ပုံရိပ်လေးများကို ကြည်နူးဂုဏ်ယူစွာ မျှဝေပေးလိုက်ရပါတယ်ရှင်။

"If the money we donate helps one child or can ease the pain of one parent, those funds are well spent" Carl Karcher အမေရိကန်စီးပွားရေးလုပ်ငန်းရှင်ကြီး Carl Karcher ပြောခဲ့တဲ့ စကားလေးလိုပါပဲ။ တကယ်လို့ကျွန်ုပ်တို့လှူဒါန်းလိုက်တဲ့ အရာတစ်ခုဟာ ကလေးငယ်တစ်ယောက်၊ ဒါမှမဟုတ် မိဘတစ်ယောက်ရဲ့ အခက်အခဲကို ဖြေရှင်းပေးလိုက်နိုင်တယ်ဆိုရင် ဒီပိုက်ဆံတွေဟာ ကုန်ရကျိုးနပ်ပါတယ်" တဲ့။ Shichida ကပြုလုပ်လိုက်တဲ့ ကောင်းမှုကုသိုလ်တိုင်းဟာ Shichida နဲ့သက်ဆိုင်တဲ့သူ တစ်ယောက်ချင်းစီတိုင်းကို ကိုယ်စားပြုပါတယ်။ ဒီလိုမျိုး မေတ္တာတရားတွေ လက်ဆင့်ကမ်းမျှဝေခွင့်ရတဲ့အချိန်တိုင်းမှာ Shichida မှာတက်ရောက်နေတဲ့ သားသားမီးမီး များနဲ့ မိဘများကို အထူးပဲ ကျေးဇူးတင်အမှတ်ရနေမှာပါ။

Shichida Educational Institute (SEI) ဟာ 1980 ခုနှစ်ကတည်းက Japan နိုင်ငံမှာ ပထမဆုံး Right Brain Development ကျောင်းအနေနဲ့ ဖွင့်လှစ်ခဲ့တာဖြစ်ပြီး မြန်မာနိုင်ငံ မှာကျောင်းခွဲအနေနဲ့ ဖွင့်လှစ်ခဲ့တာကတော့ (၄) နှစ်ပြည့်ခဲ့ပါပြီ။ ဒီ Video လေးကတော့ Shichida Myanmar ဖွင့်လှစ်ခြင်း (၄) နှစ်ပြည့် အထိန်းအမှတ်အနေနဲ့ Shichida မိသားစုများအားလုံး ရန်ကင်း ကလေးဆေးရုံကြီးမှာ တစ်နေ့စာအာဟာရ လှူဒါန်းခဲ့တဲ့အမှတ်တရမြင်ကွင်းလေးတွေကို ပြန်လည်မျှဝေပေးထားတာပဲဖြစ်ပါတယ်။ Shichida Myanmar ရဲ့ အလှူတိုင်းဟာ Shichida မှာတက်ရောက်နေတဲ့ သားသားမီးမီးတို့နဲ့ ဖေဖေ မေမေတို့ရဲ့ အလှူတွေပဲဖြစ်လို့ အားလုံးပဲ ကျေနပ်ပီတိဖြစ်ရအောင် Video လေးကို မှတ်တမ်းတင်မျှဝေပေးလိုက်ပါတယ်ရှင်။

We cannot do great things on this Earth, only small things with great love. (Mother Teresa) ကလေးတိုင်းဟာ ချစ်ခြင်းမေတ္တာနဲ့ ထိုက်တန်ကြပါတယ်။ ကလေးဘဝဆိုတာ အပြစ်ကင်းပြီး အရေးပါလှတဲ့ ကာလလေးတစ်ခုပါ။ ဒီကာလလေးမှာ ကောင်းမွန်တဲ့အမှတ်တရလေးတွေ ပိုင်ဆိုင်ခွင့်ရှိပါတယ်။ SHICHIDA Myanmar ရဲ့ ကမ်းလက်တိုင်းဟာ SHICHIDA သားသားမီးမီးများနဲ့ မိဘတွေရဲ့ မေတ္တာတွေကို ကိုယ်စားပြုပါတယ်။ ခဏတာအခိုက်အတန့်လေးဆိုပေမယ့် ကလေးတွေအတွက် ဖေးမမှု၊ ဂရုစိုက်မှု၊ လူသားဆန်မှုတွေကို နွေးထွေးတဲ့လက်တွေနဲ့ ထွေးပွေ့မျှဝေနိုင်ခဲ့တာဟာ မေ့မရမယ့် ပီတိရဲ့ အရသာပါ။ ဒီလို မေတ္တာတရားနဲ့အကြင်နာတွေ ဝေမျှခွင့်ရစေတဲ့ SHICHIDA သားသားမီးမီးလေးများနဲ့ မိဘများကို အမြဲအမှတ်ရ ကျေးဇူးတင်နေမှာပါ။

တန်ဆောင်မုန်းလမှာ ကထိန်အလှူပွဲများပြုလုပ်လေ့ရှိပြီး တန်ဆောင်တိုင် မီးထွန်းပွဲတော်ကို ကျင်းပကြတာဟာ ဗုဒ္ဓဘာသာ မြန်မာလူမျိုးတို့ရဲ့ ချစ်စဖွယ်ဓလေ့ထုံးတမ်းတစ်ခုဖြစ်ပါတယ်။ Shichida မိသားစုများနဲ့ ကျောင်းသားမိဘများ စုပေါင်းကာ မန္တလေးမြို့မှာ နိုဝင်ဘာလ (၃) ရက်နေ့တွင် ကထိန်ခင်း အလှူပွဲလေး ပြုလုပ်ခဲ့ကြပါတယ်။ ပရိတ်သတ်ကြီးများအားလုံးလည်း တန်ဆောင်တိုင်ပွဲတော် အခါသမယလေးမှာ ပျော်ရွှင်ချမ်းမြေ့ဖွယ်အချိန်လေးတွေကို ချစ်ခင်ရသူတွေနဲ့ အတူတကွ ဖြတ်သန်းနိုင်ကြပါစေလို့ Shichida မိသားစုမှ ဆုမွန်ကောင်းတောင်းအပ်ပါတယ်ရှင်။

Shichida Educational Institute (Japan) ကနေပြီး ကလေးတွေအပေါ်မှာထားတဲ့ Shichida ရဲ့ ချစ်ခြင်းမေတ္တာတွေ ၊ ကလေးတစ်ယောက်ကို ပြုစုပျိုးထောင်ဖို့ ဖေဖေ၊ မေမေတို့ သိသင့်တဲ့ Parenting နဲ့သက်ဆိုင်တဲ့ ဆောင်ပုဒ်လေးတွေကိုစုစည်းကာ "Love your Kids" အမည်ရတဲ့ သီချင်းလေးကို ဖန်တီးပေးခဲ့ပါတယ်။ သီချင်းလေးကိုတော့ တစ်ကမ္ဘာလုံးမှာရှိတဲ့ Shichida ကျောင်းခွဲအသီးသီးက Instructors တွေကနေပြီး ပျော်ပျော်ရွှင်ရွှင် ပုံဖော်သီဆိုပေးခဲ့ကြတာမို့ အားလုံးပဲနားဆင်လို့ရအောင် ပြန်လည်မျှဝေပေးလိုက်ပါတယ်ရှင်။