ရှီချီဒါနည်းစနစ်ဆိုတာကတော့ ကလေးများရဲ့ညာဘက်ဦးနှောက်နဲ့ ဘယ်ဘက်ဦးနှောက်က စွမ်းရည်များကို ပိုမိုဖွံ့ဖြိုးအောင် လေ့ကျင့်ပေးတဲ့ နည်းစနစ်တစ်ခုပဲ ဖြစ်ပါတယ်။ လွန်ခဲ့တဲ့ နှစ်ပေါင်း ၆ဝကျော်ကတည်းက ပေါ်ပေါက်ခဲ့သော Japan နိုင်ငံမှ ဆင်းသက်လာတဲ့ ဒီသမိုင်းဝင် နာမည်ကျော် ရှီချီဒါ နည်းနစ်ဟာ ကလေးငယ်တွေသာမက သူတို့ရဲ့ အုပ်ထိန်းသူ မိသားစုဝင်များကိုပါ စိတ်ဓာတ်နဲ့အရည်အသွေးတွေ ဖွံ့ဖြိုးလာစေမယ့် ပညာရေးပုံစံတစ်ခုပါ။
ရှီချီဒါနည်းစနစ်နဲ့ လေ့ကျင့်ပေးခြင်းအားဖြင့် ဘယ်ဘက်ဦးနှောက်ရဲ့ ခွဲခြမ်းစိတ်ဖြာနိုင်သောစွမ်းရည် (Analytical Abilities) နဲ့ ညာဘက်ဦးနှောက်ရဲ့ စိတ်ကူးဉာဏ်ကွန့်မြူးနိုင်သော စွမ်းရည် (Imaginative Abilities) တို့ကို ပိုမိုဖွံ့ဖြိုးတိုးတက်စေပြီး သင့်ကလေးဟာ လေ့လာသင်ယူမှုမြန်ဆန်သော၊ လွတ်လပ်စွာ တွေးခေါ်နိုင်သော၊ ပြသနာများကို စိတ်ကူးဉာဏ်သစ်များဖြင့် ဖြေရှင်းနိုင်သော စွမ်းရည်များရရှိမယ့်အပြင် စာနာမှုပြည့်ဝသော၊ စိတ်ဓါတ်ကြံ့ခိုင်သော၊ သိတတ်နားလည်သော ဘက်စုံထူးချွန်တဲ့ လူသားလေးတစ်ဦးအဖြစ် ကြီးပြင်းလာစေမှာ ဖြစ်ပါတယ်။
နောက်တစ်မျိုး ပြောရရင်တော့ ရှီချီဒါနည်းစနစ်ဆိုတာ ကလေးများရဲ့ ဦးနှောက်တစ်ခုလုံးကို ဖွံ့ဖြိုးအောင် လှုံ့ဆော်ပေးတဲ့ ငယ်ရွယ်စဉ်အစောပိုင်းကာလ ပညာရေးတစ်ခုဖြစ်ပါတယ်။
လက်ရှိမှာတော့ ရှီချီဒါ ပညာရေးစနစ်ဟာ ကမ္ဘာတစ်ဝန်းက နိုင်ငံများဖြစ်တဲ့ သြစတြေးလျ၊ ကနေဒါ၊ ကမ္ဘောဒီးယား၊ တရုတ်၊ ဟောင်ကောင်၊ အိန္ဒိယ၊ အင်ဒိုနီးရှား၊ ဂျပန်၊ လာအို၊ မလေးရှား၊ ရိုမေးနီးယား၊ စင်ကာပူ၊ ထိုင်ဝမ်၊ ထိုင်း၊ အင်္ဂလန်၊ အမေရိကန်၊ ဗီယက်နမ်၊ မြန်မာ နိုင်ငံများမှာ ပြန့်နှံ့ အောင်မြင်နေပြီး ဖြစ်ပါတယ်။

Shichida Myanmar ကတော့ ကမ္ဘာ့အကောင်းဆုံး Early Childhood Teaching Method ဖြစ်တဲ့ Shichida Method ကို Shichida Educational Institute (SEI), ltd (Japan) မှ တရားဝင် လိုင်စင်ယူပြီး မြန်မာနိုင်ငံအတွက် တစ်ဦးတည်းမူပိုင်အနေနဲ့ ၂၀၁၅ ခုနှစ်မှာ ဂုဏ်ယူစွာဖြင့် စတင်ဖွင့်လှစ်ခဲ့တာပဲ ဖြစ်ပါတယ်။
ကလေးတွေရဲ့ကြွက်သားများ ပိုမိုသန်မာစွာ လှုပ်ရှားနိုင်စေဖို့ (Fine Motor Skill)၊ စာပေလေ့လာတတ်မြောက်ဖို့ (Literacy Skill)၊ နံပါတ်များကိုဖြေရှင်းနိုင်ဖို့ (Numeracy Skill) စတဲ့စွမ်းရည်အသီးသီးရရှိရန် ကလေးများ လေ့လာသင်ယူမှုကို မြတ်နိုးအောင် အသက်အရွယ်နဲ့ ကိုက်ညီပြီး ပျော်ရွှင်စရာကောင်းသော သင်ကြားမှု ပုံစံအမျိုးမျိုးကို အသုံးပြုပြီး သင်ကြားပေးတာဖြစ်ပါတယ်။ ပုံရိပ်များ၊ မှတ်ဉာဏ်များကို အလွယ်တကူ လျင်မြန်စွာ မှတ်မိနိုင်စေရန် ကလေးများအတွက် စနစ်တကျ ပြင်ဆင်ထားသော နှစ်ပေါင်းများစွာ စနစ်တကျသုသေသန ပြုလုပ်ထားတဲ့ အဆင့်မြင့် သင်ရိုးနည်းလမ်းများဖြင့် သင်ကြားပေးလျက်ရှိပါတယ်။
သင့်ကလေးရဲ့ ဘဝမှာ ပထမဆုံးကြုံတွေ့ရတဲ့ အကောင်းဆုံး ဆရာသမားတွေအဖြစ်
SEI (Japan) မှ အသိအမှတ်ပြု လက်မှတ်များ ရရှိထားတဲ့ နိုင်ငံတကာ အရည်အချင်းပြည့်မီတဲ့ ဆရာ/မတွေကနေသင်ကြားပေးသွားမှာဖြစ်ပြီး မိဘအုပ်ထိန်းသူများအတွက်လည်း အလွန်အရေးကြီးတဲ့ သားသမီးပြုစုပျိုးထောင်ခြင်းနဲ့ ပတ်သတ်ပြီး မှန်ကန်တဲ့ နည်းလမ်းများကို ထောက်ပံ့ကူညီမှုတွေ၊ လမ်းပြဆွေးနွေးမှုတွေကိုပြုလုပ်ပေးသွားမှာ ဖြစ်ပါတယ်။
ရန်ကုန်၊ မန္တလေးနဲ့ တောင်ကြီး မြို့များမှာ ကျောင်းခွဲများဖွင့်လှစ်ထားလျက်ရှိပြီး မြန်မာတစ်နိုင်ငံလုံးက ဘေဘီလေးများ Internet Line ရှိယုံနဲ့ သင်ယူနိုင်စေဖို့ Shichida Cloud Online Learning Program ကိုလည်း ၂၀၂၀ ခုနှစ်မှာ စတင်ပြုလုပ်ခဲ့ပြီ ဖြစ်ပါတယ်။

“သင်ဟာ ကလေးတွေရဲ့ နှလုံးသားကို ချိတ်ဆက်နိုင်တယ်ဆိုရင် ကလေးတွေရဲ့စိတ်ကိုလည်း ဖတ်နိုင်လာမှာ ဖြစ်ပါတယ်။”
“ရှီချီဒါပညာရေးစနစ်ဟာ စိတ်နှလုံးကို အခြေခံတဲ့ ပညာရေးပုံစံ ဖြစ်တဲ့ အလျောက် ကလေးတွေကို သိစရာ၊ မှတ်စရာတွေပေးဖို့သက်သက် အဓိက ရည်ရွယ်ချက်ထားတာ မဟုတ်ပဲ သူတို့လေးတွေရဲ့ ဘဝတလျောက်လုံး နှလုံးသားနဲ့ စိတ်ဓါတ်ကို ပျိုးထောင်ပေးဖို့ရည်ရွယ်တာပဲ ဖြစ်ပါတယ်”

Professor Makoto Shichida, Founder